یتیمة الدهر
انخنق گلبی او ذکرت المای
جربت القلم والدفتر المعنای
ارید ادوای
صبّرت الگلب علّمته عالسگّای
او شفت طفله حزینه
او شفت روج اهوای
یتجاسر علیه ابغضب وایجر عون
لان اصبح شبه فرعون
وقفت احذاها متحیر
فرضت العون
قالت انت هم مجنون
رجائا کفنی خل قلبی ابسجن مسجون
وحیده اصبحت متروکه الدیار اهناه
عافونی او حملت اهموم
ابویه بالحرب قدم لی تذکاره
و امی دهوراها البین بفکاره
حاطاها الزمان او گص گصایبها
تجینی العبره لو اذکر مصایبها
ضربها ابن اللعینه ابوسط حاجبها
وین الوالی والخوان
شافن ضیمها او لبدن حبایبها
او بگت تصرخ صریخ النوگ
عذاب العوز طگهه و الشعر مفروگ
خرّت من صدرها اعثوگ
دمها ایسیل
صبرت حیل
سحقها الریل
امی امدلله ما گالت آنه ادخیل
دفناها الغصبها ابللیل
او ظللت عینی مشبوحه
او شفت مصرعها مطروحه
او شفت زردتها مذبوحه
سالت بالدموع او تجر بالونه
تکسّر بالعبر و اتگول ابوی اهوای اعزّنه
اعاتبمن و اقول المن
منّه انگطعت الظنّه
یتّمنی الوکت و اتحمّل المنه
هایه غصّتی ما ارید شرب المای
یا دار التضمنی واستعد منوای
یا زوج الخطبنی او حسّبیت اهوای
تنحب تکسر العبره او تعاین فوگ
طردانی الدهر یم شاطی عدوانی
اذهب خلنی ابشانی
منّی تاه عنوانی
القمر وانجومه کرهانی
یتیمه الوکت ربّانی
صبّت دمعتی او سیّلت عالخدین
گلتلهه اخوتچ یختی لا تبچین
علی موتت ابوچ اسباع متحزمین
وامچ خیزرانه تستعد واتلین
زرعت نخل والنخله تعیش اسنین
دلینی اعلی قبر امچ یحبابه
تعای انزوه وانصلّح رکن بابه
بچت واتلوع
حافی الجدم تمشی اعلی الرمل واتتوع
گالت شیل راسک وارفع الکاره
اذا غصّت تفگتک کض الحجاره
و آنه اویاک احن و اهواک
ارید تاخذ الثار ابالف ثاره
و اتخلی نجوم السماء طشّاره
لو تترکنی وحدی و اترک الناموس
خلنی مطبره یبغی سند مدسوس
زیّن شاربک لیفوگ
و البس فوگ راسک طوگ
اشوفک عن غریب امعلگ او محروگ
والبس ثوب شمّاتک تجل مطبوگ
اذتنی او حسبت احساب
علی راسی شلتهه او عینی کالمرزاب
الحگ عدهه لگیته ابشاهد المحراب
شاع الشاع
الحق ما ضاع
ما ضاعت وصیتچ واهلی کلهه اسباع
ما ماتت اخیتی او تندفن بالگاع
الحق ما هو وسیله او ینشرا او ینباع
صاع ابصاع
صاع ابصاع
جاسم ثعلبی (حسّانی) 19/10/1392
:: برچسب‌ها:
یتیمة الدهر ,
:: بازدید از این مطلب : 1901
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
